ஹரீஷ், ரைஸா இருவரும் நம் அனைவருக்கும் நன்கு அறிமுகமான முகங்கள். பிக்பாஸ் நிகழ்ச்சியின் மூலம் இருவரும் நண்பர்களாகி கடைசிவரை பயணித்தார்கள்.

இப்போது இளன் இயக்கும் பியார் பிரேமா காதல் படத்தில் இருவரும் ஜோடியாக நடித்து வருகிறார்கள். இப்படத்தின் High on love என்ற பாடல் இன்று மாலை வெளியாகவுள்ளது.

காதலர் தினம் ஸ்பெஷலாக வெளியாகும் இப்பாடல் மேற்கத்திய இசை பாணியில் அமைந்த மெலோடி பாடலாம். பெண்ணை பார்த்து காதல் வயப்பட்ட ஹீரோ தன் காதலியை வர்ணிக்கும் வார்த்தைகளாக இருக்குமாம்.

யுவன் இசையமைப்பு என்றால் சொல்லவா வேண்டும். காதல் பாடல்கள் என்றால் அவருக்கு கைவந்த கலையாயிற்றே. அதிலும் மறுவார்த்தை பேசாதே பாடல் மூலம் நம் மனங்களை கவர்ந்த சித் ஸ்ரீ ராம் தான் இந்த லவ் பாடலை பாடியுள்ளாராம்.