ஐ.பி.எல் முதல் போட்டியில் மும்பையை எதிர்கொள்கிறது, சென்னை சூப்பர் கிங்க்ஸ்!

49

இந்தியன் பிரீமியர் லீக் எனப்படும் ஐ.பி.எல் கிரிக்கெட் திருவிழா ஏப்ரல் 7-ம் தேதி தொடங்குகிறது. மே 27-ம் தேதி வரை போட்டிகள் நடைபெறுகின்றன. கிரிக்கெட் ரசிகர்களுக்குப் பெரிய கொண்டாட்டமாக அமையவிருக்கும் இந்தக் கிரிக்கெட் தொடரை கிரிக்கெட் ரசிகர்கள் எதிர்பார்த்துக் காத்திருக்கிறார்கள்.
சூதாட்டப் புகாரில் சிக்கி 2 ஆண்டுகள் தடை விதிக்கப்பட்ட சென்னை சூப்பர் கிங்ஸ், ராஜஸ்தான் ராயல்ஸ் ஆகிய அணிகள் இந்த ஆண்டு மீண்டும் போட்டியில் பங்கேற்கின்றன. இந்த ஆண்டு போட்டி தொடங்கும் நேரம் மாற்றப்பட்டுள்ளது. வழக்கமாக மாலை 4 மணிக்கு ஒரு போட்டியும், இரவு 8 மணிக்கு இன்னொரு போட்டியும் நடக்கும். இந்த ஆண்டு முதல் போட்டி 5.30 மணிக்கும், இரண்டாவது போட்டி இரவு 7 மணிக்கும் தொடங்கும்படி மாற்றியமைக்கப்பட்டுள்ளது.

ஐ.பி.எல் தொடரின் முதல் மற்றும் இறுதி ஆட்டங்கள் மும்பையில் நடைபெறவிருக்கின்றன. முதல் ஆட்டத்தில் மோதும் அணிகளின் விவரம் இன்று அறிவிக்கப்பட்டது. முதல் ஆட்டத்தில் தோனி தலைமையிலான சென்னை சூப்பர் கிங்ஸ் அணியும், ரோஹித் ஷர்மா தலைமையிலான மும்பை இந்தியன்ஸ் அணியும் மோதுகின்றன. ஏப்ரல் 7-ம் தேதி இந்தப் போட்டி நடைபெறுகிறது.

You might also like
error: Alert: Content is protected !!
Now Playing:
Loading ...