விஸ்வரூபம்2 டிரைலரை வெளியிடும் அமீர்கான்

33

கமல்ஹாசன் இயக்கி, நடித்துள்ள ‘விஸ்வரூபம்-2’ படம் ரிலீசுக்கு தயாராகி இருக்கும் நிலையில், படத்தின் டிரைலரை பிரபலங்கள் மூன்று பேர் வெளியிட இருக்கின்றனர்.
கமல்ஹாசனின் ‘விஸ்வரூபம்-2’ படம் வெளியாகாமல் பல வருடங்களாக தாமதமாகி வருவது ரசிகர்கள் மத்தியில் ஏமாற்றத்தை ஏற்படுத்தி இருந்தது.

சில மாதங்களுக்கு முன்பு படப்பிடிப்பு முடிந்த நிலையில், சமீபத்தில் தணிக்கை குழுவில் படத்திற்கு யுஃஏ சான்றிதழ் கிடைத்தது. அதுமுதல் படம் எப்போது வெளியாகும் என்று ரசிகர்கள் மத்தியில் எதிர்பார்ப்பு நிலவி வருகிறது. இந்த நிலையில் படத்தின் ரசிகர்களுக்கு விருந்தளிக்கும் விதமாக படத்தின் டிரைலரை ரிலீஸ் செய்ய படக்குழு முடிவு செய்துள்ளது.

அதன்படி விஸ்வரூபம்-2 படத்தின் டிரைலர் வருகிற 11-ஆம் தேதி மாலை 5 மணிக்கு வெளியாகிறது. தமிழில் இந்த டிரைலரை சுருதி ஹாசனும், இந்தியில் அமீர் கானும், தெலுங்கில் ஜுனியர் என்.டி.ஆர்-ம் வெளியிடுகின்றனர்.

இந்த படத்தில் கமல் ஹாசனுடன் ஆன்ட்ரியா, ராகுல் போஸ், பூஜாகுமார், சேகர்கபூர், வகீலா ரகுமான் ஆகியோரும் நடித்துள்ளனர். கமல்ஹாசன் இயக்கி இருக்கிறார்.

கமல்ஹாசனின் ராஜ்கமல் பிலிம்ஸ் நிறுவனமும், ரவிச்சந்திரனின் ஆஸ்கார் பிலிம்ஸ் நிறுவனமும் இணைந்து தயாரித்துள்ளன.

You might also like
error: Alert: Content is protected !!
Now Playing:
Loading ...