Take a fresh look at your lifestyle.

என்.டி.ஆர். வாழ்க்கைப் படத்தில் வித்தியாபாலன்

Get real time updates directly on you device, subscribe now.

பிரபல நடிகரும், முன்னாள் ஆந்திர முதல்-மந்திரியுமான என்.டி.ராமாராவ் வாழ்க்கை வரலாறு படத்தில் என்.டி.ராமாராவ்வின் மனைவி கதாபாத்திரத்தில் நடிகை வித்யாபாலன் நடிக்க இருப்பதாக கூறப்படுகிறது.
பிரபல நடிகரும், முன்னாள் ஆந்திர முதல்-மந்திரியுமான என்.டி.ராமாராவ் வாழ்க்கை வரலாறு திரைப்படமாகிறது. தெலுங்கில் உருவாகும் இந்த படத்தில் என்.டி.ராமாராவ் மகன் பாலகிருஷ்ணா அவருடைய அப்பா என்.டி.ஆர். வேடத்தில் நடிக்கிறார்.

இந்த படத்தில் என்.டி.ராமாராவின் மனைவி பசவதாரகம் வேடத்தில் வித்யாபாலன் நடிக்கிறார். படத்தின் கதையை கேட்டு முதலில் தயக்கம் காட்டிய வித்யாபாலன், பிறகு சம்மதம் தெரிவித்திருந்தார். இந்த நிலையில், நேற்று படப்பிடிப்பிலும் கலந்து கொண்டுள்ளார்.

என்.டி.ஆரின் மனைவி வேடம் என்றாலும், அவரை எதிர்த்து செயல்படும் வேடம் என்று கூறப்படுகிறது. எனவே இந்த படத்தில் வித்யாபாலனுக்கு வலுவான கதாபாத்திரம் இருக்கும் என்பதில் சந்தேகமில்லை.

என்.டி.ஆர் தெலுங்கு தேசம் கட்சியை தொடங்கிய அதேநாளில், கடந்த மார்ச் மாதம் இந்த படத்திற்கான படப்பிடிப்பு ஐதராபாத்தில் உள்ள ராமகிருஷ்ணா ஸ்டுடியோவில் தொடங்கியது. முதற்கட்ட படப்பிடிப்பு முடிந்துவிட்ட நிலையில், அடுத்தகட்ட படப்பிடிப்பு நேற்று துவங்கி நடைபெற்று வருகிறது. கிரிஷ் ஜகர்லமுடி இயக்கும் இந்த படத்தை, பாலகிருஷ்ணாவே தயாரிக்கிறார்.

Comments are closed, but trackbacks and pingbacks are open.

error: Alert: Content is protected !!
Now Playing:
Loading ...