Take a fresh look at your lifestyle.

நகையை திருடியவர் மனம் திருந்தி நகையை ஒப்படைத்தார்

Get real time updates directly on you device, subscribe now.

நகையை திருடி அதனால் ஏற்பட்ட மன உலைச்சலுக்கு ஆளாகி திருந்திய திருடன் செய்த காரியம் மனதை நெகிழ வைத்துள்ளது.

ஆலப்புழா மாவட்டத்தில் உள்ள , அம்பலபுலா இன்ஸ்பெக்டர் பிஜு நாயர் கூறியதாவது:

மது குமார் என்பவர் தன் சகோதரனின் மகன் திருமணத்திற்காக செவ்வாய் கிழமை மாலை கருவட்டாவுக்கு சென்றிருந்தார். போகும்போது வீட்டின் சுற்றுச்சுவர் கதவை மூட வில்லை.

நிகழ்ச்சியை முடித்து இரவு 10.30 மணியளவில் வீட்டுக்கு வந்துள்ளார். அப்போது வீட்டியின் பின்பக்க கதவை உடைத்து, வீட்டில் வைக்கப்பட்டிருந்த தங்க நகைகள் திருடப்பட்டிருந்தது தெரியவந்தது. இதனால் அதிர்ச்சியடைந்த மது குமார், புதன் கிழமை காவல் நிலையத்தில் புகார் அளித்தார். மேலும் தான் ஒருவர் மீது சந்தேகப்படுவதாக கூறியிருந்தார். இதையடுத்து குமார் கூறிய நபரை போலீஸார் தேடி, கண்காணித்து வந்தனர்.

இந்நிலையில் வியாழக் கிழமை காலையில் குமாரின் வீட்டு வாசலில், ஒரு மன்னிப்புக் கடிதத்துடன், திருடப்பட்ட தங்க நகைகள் வைக்கப்பட்டிருந்தது.
மேலும் அந்த கடிதத்தில், “அவசர பணத்தேவைக்காக உங்கள் நகையை திருடிவிட்டேன். திருடியதிலிருந்து மிகுந்த மன உலைச்சலுக்கு ஆளாகினேன். அதனால் உங்கள் நகையை உங்களிடமே ஒப்படைத்துள்ளேன். இனி இது போன்று எங்கும் செய்ய மாட்டேன். தயவு செய்து என்னை மன்னித்துவிடுங்கள். போலீஸில் புகார் கொடுத்துவிட வேண்டாம். மன்னியுங்கள்” எழுதப்பட்டிருந்தது.

இதையடுத்து குமார் தான் கொடுத்த புகாரை திரும்பப்பெற்றுள்ளார்.

Comments are closed, but trackbacks and pingbacks are open.

error: Alert: Content is protected !!
Now Playing:
Loading ...